Danir eru mjög lúnknir að skipuleggja umhverfi fyrir fólk, (ólíkt okkur Íslendingum). Á milli Ísafjarðargötu og Leifsgötu hér á Íslandsbryggjunni er þetta fína leiksvæði þar sem foreldrar mega koma í fylgd með börnum sínum. Athugið það er bannað að koma inn á leiksvæðið ef maður er ekki í fylgd með barni. Við hlið leiksvæðisins er svo annar og minni afgirtur völlur. Þar sitja drykkjumenn og aðrir nautnaseggir og hella í sig göldróttum drykkjum. Þetta er ósköp notalegt, börn og foreldrar að dunda í leiktækjunum og bak við þilið fólk að spjalla og súpa, allt í ró og spekt. Það eru reyndar svona drykkjuhorn hér og þar í borginni, því einhversstaðar þurfa allir að vera.
2 ummæli:
Sæll Arnar góðan daginn. Takk fyrir ágætis pistla. Ég hefi mjög gaman af slíkum fróðleiksmolum sem hér má finna. Síðast þegar við frúin fórum til Danaveldis fengum við okkur snæðing á Íslandsbryggjunni og þar fletti ég í snepli sem bar nafnið Bryggjublaðið. Þar las ég að það ætti að byggja fyrsta velknúna neðanjarðarbílastæðið í Danmörku undir þessu leiksvæði, örugglega fyrir fé sem Danir hafa svikið af okkur Íslendingum í gegnum aldirnar. Þú hefðir gjarnan mátt geta þessa í annars ágætum pistli. Þar fannst mér vera skalli á frásögninni, eins og Þórbergur gamli Þórðarson hefði orðað það. Góðar stundir.
Forvitinn said:
Er það rétt að fyrsta stóra Moskvan eigi líka að rísa þarna á Íslandsbryggjunni ? Einnig hefur verið ákveðið að reisa nýtt ungdómshús í hverfinu. Eru þið með innbús tryggingu og fjölskyldu tryggingu ?
Skrifa ummæli