Fyrsta fréttaskeytið frá Danmörku

Þegar það er mikið að gera er oftast lítið svigrúm til að setjast niður við skriftir. Þannig er það þessa dagana. Við erum á fullu hér að reyna að gera íbúðina fína, kaupa mublur og allskyns dót. Þess á milli skoðum við okkur um í hverfinu til að vita hvað sé hvar. Allt gengur rosa vel, íbúðin er fín og hverfið er frábært. Snæbjörn og Tómas komu í fyrradag og ég sótti þá á Kastrup. Þeir eru rosa hressir og kátir, eru að setja dótið sitt upp í hillur og koma sér fyrir í herberginu sínu. Við fórum í dýragarðinn í gær í steikjandi hita og sáum þar allskyns framandi lífverur. Tómasi fannst þetta reyndar dálítið klent og sagðist vera orðin leiður á dýragörðum. Lára Huld og Ásta Hlín eru líka í bana stuði hér, og nú er mér orðið svo heitt að ég get ekki skrifað lengur. Vonandi getum við hlaðið myndum inn fljótlega, bestu kveðjur til allra, Addi