Eitt sinn að vetri til kom Þórður Flóventsson að Gautlöndum úr Svartárkoti í blindbyl og hörkuveðri og ætlaði út á Húsavík. Heldur var þó hríðinni að slota. Þeir Gautlandamenn sáu að Þórður hefði lagt á stað að heiman þegar veðrið var sem ákafast. Létu þeir í ljós furðu sína þá því að hann skyldi fara af bæ í slíkum veðurofsa. Þá svarar Þórður: „Um að gera að leggja af stað í veðurbroddi. Þá er von til að maður komist heim fyrir næstu lotu.” Þetta reyndist orð að sönnu. Þórður hélt áfram ferðinni og lauk erindum sínum á Húsavík og víðar í sæmilegu verðri og náði heim í Svartárkot rétt í þann mund sem stórhríð skall á að nýju!
Þórður Flóvetsson (langalangaafi) ásamt Hólmfríði dóttur sinni. Myndin er tekin þegar Þórður fór suður til lækninga og Hólmfríður dóttir hans fór með til að sjá um hann.
Þeir sem hafa áhuga á ættfræði ,,Svartárkotsættarinnar" ættu endilega að athuga þessa síðu http://www.vortex.is/rhs/jonasogfrida/. Myndin hér til hliðar er fengin af þeirri síðu og einnig sagan stutta.
Engin ummæli:
Skrifa ummæli